Tá tionscadal beathaisnéisí Gaeilge á fhorbairt anseo ag Fiontar, Ollscoil Chathair Bhaile Átha Cliath i gcomhar le Cló Iar-Chonnachta agus le Diarmuid Breathnach agus Máire Ní Mhurchú, bunúdair na mbeathaisnéisí. Tá an ghné bhunaidh den tionscadal seo á maoiniú ag An Roinn Gnóthaí Pobail, Comhionannais agus Gaeltachta.
Le héisteacht le hagallamh leis na bunúdair, cliceáil anseo...
Is é sprioc na hoibre reatha naoi n-imleabhar beathaisnéisí Gaeilge (1986-2007) le Diarmuid Breathnach agus Máire Ní Mhurchú, ina bhfuil 2,052 leathanach agus 1,674 beathaisnéis, a dhigitiú agus a fhoilsiú ar line. Tá Gnéithe 2 agus 3 beartaithe ar ball, ach maoiniú a bheith ar fáil, chun an t-ábhar a fhoilsiú i bhfoirm imleabhair chlóite amháin (móide CD-ROM más cuí), agus clár oibre leanúnach a bhunú maidir le taighde agus nuashonrú rialta ar bheathaisnéisí Gaeilge.
Seo thíos na bunsaothair atá i gceist:
- 1882–1982 Beathaisnéis a hAon. Baile Átha Cliath: An Clóchomhar. 1986.
- 1882–1982 Beathaisnéis a Dó. Baile Átha Cliath: An Clóchomhar. 1990.
- 1882–1982 Beathaisnéis a Trí. Baile Átha Cliath: An Clóchomhar. 1992.
- 1882–1982 Beathaisnéis a Ceathair. Baile Átha Cliath: An Clóchomhar. 1994.
- 1882–1982 Beathaisnéis a Cúig. Baile Átha Cliath: An Clóchomhar. 1997.
- 1782–1881 Beathaisnéis. Baile Átha Cliath: An Clóchomhar. 1999.
- 1560–1781 Beathaisnéis. Baile Átha Cliath: An Clóchomhar. 2001.
- 1983–2002 Beathaisnéis. Baile Átha Cliath: An Clóchomhar. 2003.
- Beathaisnéis a Naoi: Forlíonadh agus Innéacsanna. Baile Átha Cliath: An Clóchomhar. 2007.
Mórshaothar luachmhar léinn é an saothar bunaidh seo a chuimsíonn beathaí na nGael ó 1560 go dtí 2006. Is é sprioc an tionscadail seo rochtain éasca ar an taisce seo a dheimhniú agus leanúnachas a chinntiú san obair.
